روداد نویسی ، کلاس: ہشتم،نہم،دہم (پہلا دن)

فاصلاتی  تعلیمی و تدریسی مواد برائے قرنطین  طلبہ

مضمون: اردو

عنوان:                     رُودادنویسی

مہارت:                      لکھنا

جماعت:                   ہشتم،نہم اور دہم

ترتیب و تہذیب:        عطا حسین اطہرؔ

روداد نویسی

دن:      پہلا                                                      

وقت :  ایک گھنٹہ                                                           

مواد:   قلم، کاپی، لیپ ٹاپ یا موبائل، انٹرنیٹ

ایس ایل او:    پوسٹر یا تصویری خاکوں یا کسی واقعہ  اور منظر کو بیان کرتے ہوئے (آنکھوں دیکھا حال )روداد لکھ سکیں۔

عمومی مقاصد:              ردواد کی تعریف جان سکیں۔             

روداد لکھنے کی ابتدائی مشق کرسکیں۔

ابتدائی  سرگرمی:          اپنے پسندیدہ  ٹی وی رپورٹر اور چینل  کا نام اپنی   کاپی  میں لکھیے۔                        (۵منٹ)

نمبر۱:     ___________________________ چینل:    ___________________________

نمبر۲:     ___________________________ چینل:     ___________________________

سرگرمی نمبر ۲:                         عبارت خوانی    مواد:   روداد نویسی:                         (۱۵ منٹ)

روداد فارسی زبان کا لفظ ہے جس کے لغوی معنی حالت، کیفیت یا کاروائی کے ہیں ۔اصطلاح میں اس سے مراد احوال یا سرگزشت لکھنے  کا  و ہ عمل  ہےجس میں  حقیقت شامل ہو ۔ گویا  روداد  ان حالات و واقعات کی تفصیل ہوتی ہے۔جو آپ نے خود اپنی آنکھوں سے دیکھے ہو ں۔۔ انگریزی میں اسے رپورٹ کہتے ہیں۔یاد رہے کسی  حادثے ،واقعے، جلوس کی رپورٹنگ صحافتی اندازمیں لکھی  جاتی ہے۔اور کسی میچ یا منظر  کا آنکھوں دیکھا حال اور طرح سے لکھا جاتا ہے ۔

ان تمام  باتو ں سے یہ واضح ہوگئی کہ روداد کسی تقریب، جلسے، میلے یا حادثے کا آنکھوں دیکھا حال، ایک غیر جانبدار مبصر کی حیثیت سے کاغذ پر تحریر کرکے پیش کرنا ہے تاکہ جنہوں نے اس تقریب کو نہیں دیکھا وہ غائبانہ اس سےآگاہ اور   لطف اندوز ہوسکیں۔  روداد مضمون سے مختلف ہوتی ہے۔ ہم اسے کسی تقریب یا واقعہ کی تلخیص یا جائزہ بھی کہہ سکتے ہیں۔روداد لکھنا ایک صحافی کی بنیادی اور لازمی سرگرمی ہوتی ہے۔آج ہم بھی ایک اچھا صحافی بننے کے لیے روداد لکھنے کی مشق کریں گے۔                                                      

   ذخیرہ ٔ الفاظ:

الفاظ	معنی	الفاظ	معنی	الفاظ		معنی
رپورٹر	اخبار یا ٹی وی کا نمائندہ جو خبریں نیوز روم پہنچاتا ہے۔	سرگزشت	واقعہ	تفصیل	وضاحت
صحافی	اخبار یا  ٹی وی  سے وابستہ  جو شخص جو خبریں ہم تک پہنچاتا ہے	غیر جانب دار	جو کسی کی  طرفداری نہ کرے	مبصر	تبصرہ کرنے والا۔ رائے دینے والا
غائبانہ	غیر حاضری میں	لطف اندوز	مزا لینے والا	تلخیص	مختصر کرنا، خلاصہ کرنا
جائزہ	چھان پھٹک۔تحقیق،خوب وضاحت	سرگرمی	کام	حقیقت	سچائی

نوٹ:     ذخیرۂ لفاظ کو سمجھ کے درجہ بالا عبارت دوبارہ پڑھیے اور سمجھنے کی کوشش کریں ۔

سرگرمی نمبر ۳:

لکھنے کی مشق

ہفتم جماعت  میں   اسکول میں اپنےپہلے دن کی روداداپنی کاپی میں   تحریر کیجیے۔       (20منٹ)

لکھائی کا جائزہ

اپنی لکھی ہوئی روداد کا اپنے مانیٹر کے ساتھ درج ذیل چیک لسٹ کے مطابق جائزہ لیجئے  ۔اور نمبر دیجئے ۔            (۱۰ منٹ)

چیک لسٹ	نمبر	حاصل کردہ نمبر
عنوان تحریر کیا	1
املا کی درستگی	5
خوش خط صاف اور واضح	4
	10

سرگرمی نمبر ۴:                         اپنا جائزہ خود لیجئے(خودآزمائی)                                     (۱۰ منٹ)

چوں کہ آپ نے آج کے دن کی سرگرمی مکمل کرلی ہے۔ اس لیے آپ اس بات کا خود جائزہ لیجئے کہ آپ نے سیکھنے کے تمام مقاصد حاصل کرلیے ہیں یا نہیں؟

۱	میں  روداد کی تعریف جان گیا/گئی ہوں ۔	بہت  حد تک	کسی حد تک	بالکل نہیں
۲	میرے ذخیرہ ٔ الفاظ میں اضافہ  ہو گیا ہے۔	بہت  حد تک	کسی حد تک	بالکل نہیں
۳	میں ٹی وی رپورٹر کے نام لکھ سکتا/سکتی ہوں۔	بہت  حد تک	کسی حد تک	بالکل نہیں
۴	میں جماعت ہفتم کے پہلے دن کی روداد  لکھ سکا/سکی۔	بہت  حد تک	کسی حد تک	بالکل نہیں
۵	میں  خوش خط لکھ سکتا /سکتی ہوں ۔	بہت  حد تک	کسی حد تک	بالکل نہیں
۶	مجھے املا کی غلطیوں کی پہچان ہے۔	بہت  حد تک	کسی حد تک	بالکل نہیں

نوٹ:      اگر آپ کا جواب دوسرا یا تیسرا ہے تو مزید اصلاح کے لیے آپ کیا کریں گے/گی ؟  تجویذ اپنی کاپی میں تحریر کیجئے ۔

روداد نویسی کے حوالے سے پہلے دن کی  سرگرمیاں اپنے اختتام کو پہنچی۔

ایک دوسرے سے ہاتھ ملانے اور گلے ملنے سے اجتناب برتیں ۔